गोंदिया, दिनांक : 04 फेब्रुवारी 2023 : पोलीस ठाणे रामनगर हद्दीतील ऑफिसर कॉलनी कुडवा येथील दिनांक 01 जानेवारी रोजी जुगार अड्ड्यावर पोलिसांनी धाड घातली असता एका बंद कमऱ्यात अवैधरित्या वाय-फाय रुटरव्दारे लॅप टॉप, मोबाईलचे माध्यमाने जन्नत बुक ॲपवर ऑनलाई न पैश्यांचा जुगाराचा खेळ खेळत असतांना चार युवकांना ताब्यात घेण्यात आले.
ताब्यात घेण्यात आलेल्या चारही युवकांचे ताब्यातून एकूण नऊ मोबाईल किंमत 1,75,000 रुपये, 3 एचपी कंपनीचे लॅपटॉप किंमत 1,44,500 रुपये एक रावटर 2000, दोन नग एक्सटेंशन बॉक्स 800, तसेच चार मोबाईल चार्जर 2000 असा एकूण किंमत 3, 24, 300 रुपयांच्या मुद्दे माल जप्त करण्यात आला.
ऑनलाईन जुगार खेळ प्रकरणी आरोपी नामे 1) भुपेन्द्र श्यामराव बोरकर वय-24 वर्षे, 2) अभिनव अशोककुमार चंद्रकार वय 21 वर्ष, 3) लोकेश जगदीश खोब्राग डे वय 31 वर्षे, 4) शुभम रविंद्र नंदेश्वर वय-22 वर्षे, तसेच ऑनलाईन जुगाराचा खेळ खेळविणारा आरोपी क्र. 5) नितीश तेजराम डोंगरे वय-32 वर्षे, यांचेविरुद्ध कलम 4, 5 महा. जुगार कायदा, सह कलम 109 भादवी प्रमाणे गुन्हा नोंदविण्यात आला आहे. सदरची कारवाई वरिष्ठांचे आदेशान्वये पोलीस ठाणे रामनगर चे पोलीस निरीक्षक संदेश केंजळे, पोलीस अंमलदार पो. हवा. जावेद पठाण, राजेश भुरे, अभय चव्हाण, पो. शि. कपिल नागपुरे, राहुल वणवे यांनी कामगीरी केलेली आहे.
