सडक अर्जुनी, गोंदिया, दिनांक : ०९ जानेवारी २०२३ : शिक्षण विभाग ( प्राथमिक ) जिल्हा परिषद, गोंदिया द्वारा येथील लोहिया कॉन्व्हेन्ट अँड प्रायमरी इंग्लिश स्कूल, परिसरतील जय बजरंग सांस्कृतिक सभागृह, सौंदड येथे सडक अर्जुनी तालुक्यातील मुख्याध्यापक ( जिल्हा परिषद, खाजगी अनुदानित, खाजगी विनाअनुदानित, खाजगी स्वयं अर्थसाहाय्यित ) केंद्रप्रमुख, समन्वयक यांची तालुकास्तरीय आढावा सभेचे आयोजन ५ जानेवारी 2023 रोज गुरूवारला करण्यात आले.
या प्रसंगी आढावा सभेचे अध्यक्ष मा. डॉ. महेंद्र गजभिये, शिक्षणाधिकारी ( प्राथ. ) , जि. प. गोंदिया व प्रमुख उपस्थिती मा. जगदीश लोहिया, संस्थापक-संस्थाध्यक्ष, लो. शि. संस्था, सौंदड यांनी माता सरस्वती व क्रांतिज्योती सावित्रीबाई फुले यांच्या प्रतिमेचे पूजन करून माल्यार्पण केले. यावेळी मा. डी. बी. दिघोरे उप-शिक्षणाधिकारी ( प्राथ. ), जि. प. गोंदिया, मा. विजय ढेकणे, दिव्यांग जिल्हा समन्वयक, गोंदिया, मा. बागडे साहेब, ग. शि. अधिकारी, सडक अर्जुनी यावेळी प्रामुख्याने उपस्थित होते.
आढावा सभेचे अध्यक्ष मा. डॉ. महेंद्र गजभिये, शिक्षणाधिकारी ( प्राथ. ) जि. प. गोंदिया यांनी ” शिक्षकाच्या जीवनाचे साफल्य आणि समाधान विद्यार्थ्यांच्या हितातच असते.” तसेच आढावा सभेच्या विषय पत्रिकेनुसार विविध विषयावर सविस्तर मार्गदर्शन तसेच सभेचे प्रमूख उपस्थिती मा. जगदीश लोहिया, संस्थापक यांनी ” विद्या ज्ञानाच्या पवित्र क्षेत्रात आपल्याला संधी मिळाली हे आपले भाग्य आहे. या संधीचा लाभ जास्तीत जास्त विद्यार्थ्यापर्यंत पोहोचवा.” असे मार्गदर्शन केले. सभेला तालुक्यातील केंद्रप्रमुख, मुख्याध्यापक, समन्वयक मोठ्या संख्येने उपस्थित होते.
