मेढकी येथील दिलीप सुरेश वरठी यांचा वीज पडून दुर्दैवी मृत्यू
सडक अर्जुनी, दि. 22 जुन : शेतात काम करीत असतांना वीज कोसळल्याने दुर्दैवी मृत्यू झाल्याची घटना 19 जुन रोजी सडक अर्जुनी तालुक्यातील मेढकी येथे दुपारच्या सूमारास घडली. दिलीप सुरेश वरठी वय वर्षे 32 असे मृतकाचे नाव आहे. सदर घटनेची माहिती मिळताच माजी मंत्री राजकुमार बडोले यांनी मृत पिडीत कुटुंबियांची भेट घेऊन त्यांचे सांत्वन केले.
कुटुंबियांना तातडीची मदत म्हणून वैयक्तिक रीत्या रक्कम दिली आणि वीज पडून मृत्यू झाल्याने शासनाकडून मिळणारी सर्व प्रकारची मदत तातडीने मिळवून देण्याची हमी दिली. पिडीत कुटुंबियांना तातडीने शासकीय मदत उपलब्ध करून देण्याचे संबंधित विभाग व अधिकाऱ्यांना निर्देश दिले.
सडक अर्जुनी तालुक्यातील मेढकी येथिल दिलीप सुरेश वरठी यांनी गावापासून जवळच असलेल्या शेतात काम करीत होते. अंदाजे चार वाजता पावसाचे वातावरण झाले. याच दरम्यान शेतात विज कोसळली. या घटनेत दिलीप सुरेश वरठी यांचा दुदैवी मृत्यू झाला. घटनेची माहीती मिळताच माजी मंत्री राजकुमार बडोले यांनी मृतकांच्या पिडीत कुटुंबियांची भेट घेऊन सांत्वन केले आणि मदत कार्य तातडीने करण्याचे संबंधित विभागाला निर्देश दिले.
