सौन्दड, दी. 30 जानेवारी : लोहिया शिक्षण संस्था द्वारा संचालित रामेश्वरदास जमनादास लोहिया माध्यमिक व उच्च माध्यमिक विद्यालय, रामदेवबाबा अध्यापक विद्यालय व जमुनादेवी लोहिया प्राथमिक शाळा यांच्या संयुक्त विद्यमाने जगदीश लोहिया, संस्थापक – संस्थाध्यक्ष ,लोहिया शिक्षण संस्था, सौंदड यांच्या प्रेरणेने दि. 30 जानेवारी रोजी देशाच्या स्वातंत्र्यासाठी प्राणार्पण केलेल्या हुतात्म्यांच्या स्मरणार्थ हुतात्मा दिन साजरा करण्यात आला.
यावेळी विद्यालयाचे प्राचार्य उमा बाच्छल यांनी पुण्यतिथी स्मरणार्थ राष्ट्रपिता महात्मा गांधी यांच्या प्रतिमेचे पूजन करून पुष्पहार अर्पण केले. याप्रसंगी प्रमुख अतिथी म्हणून प्राचार्य गुलाबचंद चिखलोंडे, रामदेवबाबा अध्यापक विद्यालय, मनोज शिंदे, मुख्याध्यापक जमुनादेवी लोहिया प्राथमिक शाळा, डी. एस. टेभूर्ण पर्यवेक्षक आर. एन. अग्रवाल, प्राध्यापक, जी. एस. कावळे, श्रीमती कल्पना काळे, उपस्थित होते. कार्यक्रमाला उपस्थित अतिथी तसेच शिक्षक-शिक्षकेक्तर कर्मचारी व विद्यार्थ्यांनी दोन मिनिटांचे मौन पाळून देशासाठी बलिदान दिलेल्या हुतात्म्यांना श्रद्धांजली अर्पण केली.
