गोंदिया, दी. ३० जानेवारी : जिल्ह्याच्या गंगाझरी पोलीस स्टेशन अंतर्गत येत असलेल्या सेजगाव ते नहरटोला मार्गावर काचेवानी येथील एका खासगी शाळेत शालेय विद्यार्थ्यांना घेऊन जाणारी स्कुलव्हॅन पलटल्याने १० विद्यार्थी जखमी झाले. ही घटना आज दी. ३० जानेवारी रोजी सकाळी ९ वाजेच्या सुमारास घडली आहे. घटनास्थळी गंगाझरी पोलीस दाखल झाले असून चालकाला ताब्यात घेतले आहे. अपघात वाहन क्रमांक : एम. एच. ३५ ए.जी. १७१५ असे असून पिवळ्या रंगाचे वाहन आहे.
तर जखमी विदयार्थ्यांना उपचाराकरीता रुग्णालयात हलविण्यात आले आहे. या वाहणाची प्रवाशी लोड किती होते आणि अतिरिक्त लोड घेऊन जात होते का ? याचा शोध घेणे महत्वाचे असून वाहणाचे इन्शुरन्स सह दस्तावेज आहेत का ? आणि वाहन फिट आहे का ? असा ही शोध घेणे महत्वाचे आहे.
