सौंदड, दि. 13 जानेवारी : लोहिया शिक्षण संस्था द्वारा संचालित रामेश्वरदास जमनादास लोहिया माध्य. व उच्च माध्य. विद्यालय, रामदेवबाबा अध्यापक विद्यालय, जमुनादेवी लोहिया प्राथमिक शाळा यांच्या संयुक्त विद्यमाने सौंदड येथे दि.12 जानेवारी रोज रविवारला संस्थापक संस्थाध्यक्ष जगदीश लोहिया यांच्या प्रेरणेने स्वामी विवेकानंद व राजमाता जिजाऊ जयंती लोहिया शिक्षण संस्थेचे उपाध्यक्ष आ. न. घाटबांधे यांच्या अध्यक्षतेखाली, प्राचार्या उमा बाच्छल, पर्यवेक्षक डी. एस. टेंभुर्ण, मुख्याध्यापक मनोज शिंदे, प्राध्यापक आर. एन. अग्रवाल यांच्या उपस्थितीत पार पडला.
कार्यक्रमाचे अध्यक्ष व प्रमुख अतिथींनी स्वामी विवेकानंद व राजमाता जिजाऊ यांच्या प्रतिमेचे पुजन करून माल्यार्पन केले. विद्यालयाच्या प्राचार्य यांनी स्वामी विवेकानंद व राजमाता जिजाऊ यांच्या जीवन कार्यातून सर्वांनी प्रेरणा घ्यावी असे मोलाचे मार्गदर्शन केले तसेच या प्रसंगी विद्यालयातील प्राध्यापक आर. एन. अग्रवाल व जी. एस. कावळे यांनी आपल्या मनोगतातून स्वामी विवेकानंद तथा राष्ट्रमाता जिजाऊ यांच्या महान कार्याची माहिती दिली. राष्ट्रीय युवा दिना निमित सर्वाना शुभेच्छा दिल्या, कार्यक्रमाला शिक्षक – शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमाचे संचालन स.शि. वाय. एम. बोरकर यांनी केले तर आभार स.शि. कु. यु. एस. जुमडे यांनी मानले.
