पोलिसांनी शेतकार्याचे चारही हात पाय धरून काढले शेताबाहेर, विडिओ झाला वायराल
गोंदिया, दी. 12 जून : तिरोडा तालुक्यातील पालडोंगरी येथिल शेतकऱ्यांवर प्रशासनाची जबरदस्ती, पोलिसांनी त्यांच्याच शेतातून बळजबरीने काढल बाहेर, शेतकरी नसून आरोपी असल्याची पोलिसांकडून वागणूक दिली जात आहे. याचा एक विडिओ समोर आला आहे. गेल इंडिया कंपनीची पाईप लाईन टाकण्याचं काम या भागात सुरू आहे. ही पाइपलाइन शेतकऱ्यांच्या शेतातून टाकले जात आहे. तर याच कंपनीचा सबस्टेशन तयार करण्यासाठी तिरोडा तालुक्यातील पालडोंगरी येथिल गेंदलाल बोपचे यांच शेत बळजबरीने हिसकावण्याचा काम कंपनी करत अशल्याचा आरोप शेतकरी करीत आहे. गेंदलाल बोपचे, चींदु बोपचे हे दोघे भावंड असून यांच्याकडे वडिलोपार्जित पावणे चार एकर शेती आहे. याच शेतीत राबून आपल्या परीवराचा उदरनिर्वाह करतात.
मात्र आता गेल इंडिया कंपनी त्यांच्या शेतात बळजबरीने सब स्टेशन तयार करण्यासाठी दीड एकर जमीन अधिग्रहण करत अशल्याचे शेतकऱ्यांनी सांगितले आहे. पण बोपचे यांना ती जमीन विकायची नाही. ज्या काळ्या आईने आजपर्यंत त्यांच पोट भरले तिला विकून ते रस्त्यावर येतील म्हणुन त्यांनी विरोध केला. पण कंपनीने बळजबरीने जमीन मोजमाप करण्यासाठी पोलिस प्रशासन सोबत घेत शेतकरयांना त्यांच्याच शेतातून बळजबरीने बाहेर काढले जात आहे. याचा विडिओ देखील वायरल झाला आहे. जणू हे शेतकरी नसून आरोपी आहेत अशी वागणूक पोलिसांनी शेतकऱ्यांना दिली. शेतकरी कुटुंबात 12 सद्स्य असुन इच्छा मरणाची परवानगी जिल्हाधिकारी यांना मागीतली आहे. अशी माहिती पत्रकारांशी बोलतांना आज 12 जून रोजी दिली आहे. पोलीसांच्या कारवाईचा व्हिडिओ सोशल मीडियावर चांगलाच वायरल होत आहे.
