सौंदड, दी.23 जानेवारी : लोहिया शिक्षण संस्था द्वारा संचालित रामेश्वरदास जमनादास लोहिया माध्य. व उच्च माध्य. विद्यालय, रामदेवबाबा अध्यापक विद्यालय, जमुनादेवी लोहिया प्राथमिक शाळा यांच्या संयुक्त विद्यमाने सौंदड येथे दि. 23 जानेवारी रोज गुरुवारला संस्थापक संस्थाध्यक्ष जगदीश लोहिया यांच्या प्रेरणेने सुभाषचंद्र बोस व बाळा साहेब ठाकरे यांची जयंती विद्यालयाच्या प्राचार्या उमा बाच्छल, यांच्या अध्यक्षतेखाली प्राचार्य गुलाबचंद चिखलोंडे, मुख्याध्यापक मनोज शिंदे, पर्यवेक्षक डी. एस. टेंभुर्णे, प्राध्यापक आर .एन. अग्रवाल, जी. एस. कावळे, स. शि. के.एस. काळे यांच्या प्रमुख उपस्थितीत पार पडला.
कार्यक्रमाचे अध्यक्ष व प्रमुख अतिथींनी सुभाषचंद्र बोस यांच्या प्रतिमेचे पुजन करून माल्यार्पण केले. प्रमुख अतिथी प्राचार्य चिखलोंढे सर, प्राध्यापक जी. एस. कावळे यांनी नेताजी सुभाषचंद्र बोस व बाळासाहेब ठाकरे यांच्या जीवन कार्यातून धडा घ्यावा असे मोलाचे मार्गदर्शन केले. तसेच विद्यालयातील विद्यार्थिनींनी गीत व भाषणातून नेताजींच्या जीवन कार्याविषयी माहिती सांगितली. कार्यक्रमाला शिक्षक – शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमाचे संचालन स. शि. एच . एन. लेनगुरे यांनी केले तर आभार स. शि. एस.व्ही.तोंडफोडे यांनी मानले.
