आमगाव, 03 जानेवारी : माळी महासंघ व माळी समाज महिला समितीच्या वतीने सावित्रीबाई फुले यांची जयंती प्रेरणादायी वातावरणात उत्साहात साजरी करण्यात आली. महिलांसाठी शिक्षण, स्वातंत्र्य आणि सक्षमीकरणासाठी झटलेल्या सावित्रीबाईंच्या विचारांना उजाळा देत हा उपक्रम आयोजित करण्यात आला. कार्यक्रमाचे अध्यक्ष स्थानी अनिता ठाकरे, त्यांच्या नेतृत्वाखाली कार्यक्रमात महिलांच्या सक्षमीकरणा बाबत महत्त्वपूर्ण मुद्द्यांवर चर्चा झाली. कार्यक्रमाची सुरुवात सावित्रीबाईंच्या प्रतिमेला पुष्पहार अर्पण करून झाली. महिला समितीच्या प्रमुख सदस्यांनी सावित्रीबाईंच्या कार्याचा गौरव करत त्यांच्या समाजावर झालेल्या अमूल्य योगदानाची आठवण करून दिली. उपस्थित महिलांनी सावित्रीबाईंच्या विचारांचा समाजाला कसा उपयोग होतो, यावर चर्चा केली.
विशेष चर्चासत्रात शिक्षण, सक्षमीकरण आणि समानता या विषयांवर उपस्थित मान्यवरांनी मार्गदर्शन केले. “सावित्रीबाईंच्या विचारांमुळे महिलांना स्वातंत्र्याचा मार्ग गवसला. आज त्यांच्या आदर्शांवर चालण्याची गरज आहे,” असे मत प्रमुख वक्त्यांनी व्यक्त केले. कार्यक्रमात उपस्थित महिलांनी सावित्रीबाईंच्या विचारांचे अनुकरण करण्याचा संकल्प व्यक्त केला. समाजातील महिलांना अधिक शिक्षण आणि रोजगाराच्या प्रवाहात सामील करण्यासाठी ठोस प्रयत्न करण्याची भूमिकाही मांडण्यात आली. या कार्यक्रमात प्रामुख्याने आनंदा चोरवाडे, पदमा चोरवाडे, नंदिनी वंजारी, प्रेमलता ठाकरे, मीनाक्षी चोरवाडे, अर्चना वाकले, देवेश्वरी चोरवाडे, संगीता पाठोडे, सरिता ठाकरे, मीनाक्षी ठाकरे, वर्षा ठाकरे, ममता ठाकरे उपस्थित होत्या, “सावित्रीबाईंचे विचार फक्त प्रेरणा नाहीत, तर समाजाला प्रगतीकडे नेणारा दीपस्तंभ आहेत,” असे विचार उपस्थितांनी मांडले. कार्यक्रमाच्या शेवटी, अनिता ठाकरे यांनी उपस्थितांचे आभार मानले व सावित्रीबाईंच्या विचारांवर आधारित समाजाच्या उन्नतीसाठी कार्य करण्याचे आवाहन केले.
