सौंदड, दी. 25 डिसेंबर : लोहिया शिक्षण संस्था द्वारा संचालित रामेश्वरदास जमनादास लोहिया माध्यमिक व उच्च माध्यमिक विद्यालय, रामदेवबाबा अध्यापक विद्यालय व जमुनादेवी लोहिया प्राथमिक शाळा सौंदड यांच्या संयुक्त विद्यमाने लोहिया शिक्षण संस्थेचे संस्थापक संस्थाध्यक्ष जगदीश लोहिया यांच्या प्रेरणेने सत्र २०२४- २५ मधील स्नेहसंमेलना निमित्य विविध क्रीडा स्पर्धांचे आयोजन करण्यात आले.
त्यात वर्ग १ ते ४, वर्ग ५ ते ७, वर्ग ८ ते १० , वर्ग ११ ते १२ (कला व विज्ञान), डी. एल. एड प्रथम व द्वितीय वर्ष. यांच्या करिता लांब उडी, उंच उडी, २००, ४००, ८०० मीटर धावणे, कबड्डी इत्यादी स्पर्धा प्राचार्या यु. आर. बाच्छल यांच्या मार्गदर्शनाखाली घेण्यात आल्या. कबड्डी सामन्यांमध्ये वर्ग ५ ते ७ मुलांच्या गटात वर्ग ७ अ. मुलींच्या गटात वर्ग ७ इ. ८ ते१० च्या गटात वर्ग १० वा अ, वर्ग ११ ते १२ च्या गटात वर्ग १२ वा विज्ञान च्या चमू विजयी झाल्या.
खेळाडूंचं उत्साह वाढवितांना लोहिया शिक्षण संस्थेचे उपाध्यक्ष आ.न. घाटबांधे, महादेव लाडे सदस्य शाळा सुधार समिती, रामदेवबाबा अध्यापक विद्यालयाचे प्राचार्य गुलाबचंद चिखलोंडे, क्रीडा शिक्षक एस. यु. पवार उपस्थित होते. तसेच सर्व शिक्षक शिक्षकेत्तर कर्मचारी पालक व विद्यार्थी मोठ्या संख्येने उपस्थित होते.
