गोंदिया, दी. 07 डिसेंबर : तिरोडा येथील माजी आमदार दिलीप बनसोड यांच्या घरून दि. 07 नोव्हेंबर रोजी च्या रात्री घरी कुणी हजर नसतांना अज्ञात चोरट्यांनी घरात प्रवेश करून सोन्याचे दागिने व नगदी अशा एकूण 18 लाख 47 हजार 500 रुपयांचा मुद्देमाल चोरी केल्याचे फिर्यादी सोमप्रकाश फुलचंद बीसेन वय 42 वर्षे राहणार- मेंढा, तालुका तिरोडा, जिल्हा गोंदिया ( वाहन चालक) यांच्या तक्रारी वरून पो. ठाणे तीरोडा येथे अपराध क्रमांक – 827/2024 कलम 331(4), 305 (अ) भा. न्याय संहिता- 2023 अन्वये दिनांक 08/11 रोजी गुन्हा दाखल करण्यात आली होती.
संशयावरून आरोपी 1) रामन्ना उर्फ रामचंद्र पोचन्ना ठाकरे वय 35 वर्षे राह. देसाईगंज/ वडसा यास ताब्यात घेण्यात आले. यातील मुख्य आरोपी 2) विष्णू खोकण विश्वास वय 34 वर्षे राह. अरुण नगर, तालुका अर्जुनी- मोरगाव जिल्हा गोंदिया हा असल्याची माहिती त्याने पोलिसांना दिली, एक महिन्या पासुन गोंदिया, भंडारा, नागपूर जिल्ह्यात तसेच तेलंगणा, छत्तीसगड राज्यात शोध घेवून अखेर मुख्य चोरटा आरोपी विष्णु विश्वास यास देसाईगंज/ वडसा येथून ताब्यात घेऊन जेरबंद करण्यात आले. त्याच्याकडून एकूण 4 नग सोन्याचे बिस्कीट ज्यावर इंग्रजीत (SHALIMAR 9950 FINE GOLD) असे कोरलेले व एक जुनी बजाज कंपनीची पल्सर गाडी, नगदी 24 हजार 500 रूपये असा साधारण 21 लक्ष रुपये किमतीचा मुद्देमाल हस्तगत करुन जप्त करण्यात आले.
सदरची कामगीरी पोलीस अधीक्षक गोरख भामरे, अपर पोलीस अधिक्षक नित्यानंद झा, यांचे निर्देशान्वये उपविभागीय पोलीस अधिकारी तिरोडा साहील झरकर, यांचे मार्गदर्शनाखाली पोलीस निरिक्षक दिनेश लबडे, पो.नि. अमित वानखेडे यांचे मार्गदर्शनात पथकातील पोलीस अधिकारी स.पो.नि. मसराम, वनिता सायकर, श्रेणी पो.उप. नि गोपाल कापगते, पो. अंमलदार तुलसीदास लुटे, इंद्रजित बिसेन, संतोष केदार, स्था.गु.शा. यांनी तसेच पो ठाणे तिरोडा येथील पो. हवा. दिपक खांडेकर, खराबे, ठाकरे, गायकवाड तसेच तांत्रीक सेल गोंदिया चे स.पो.नि. ओमप्रकाश गेडाम, पो. अंमलदार संजु मारवाडे, योगेश रहीले, रोशन येरणे यांनी कामगिरी केली.
