सौंदड, दी. 30 नोव्हेंबर : लोहिया शिक्षण संस्था द्वारा संचालित रामेश्वरदास जमनादास लोहिया माध्य. व उच्च माध्य. विद्यालय, सौंदड येथील एन. जी. रामटेके ह्या नियत वयोमानानुसार सेवानिवृत्त झाल्या. त्यांचा सेवानिवृत्ती सत्कार समारंभ शनिवार दि. 30 नोव्हेंबर 2024 ला सकाळी 11.30 वाजता संपन्न झाला.
यावेळी जगदीश लोहिया, संस्थापक – संस्थाध्यक्ष, लो . शि. संस्था, सौंदड यांच्या अध्यक्षतेखाली, आ.न. घाटबांधे, संस्था उपाध्यक्ष, लो.शि. संस्था, पंकज लोहिया सचिव लो. शि. संस्था, मधुसूदन अग्रवाल सहसचिव लो. शि. संस्था, हरीश अग्रवाल संस्था सदस्य, अनिल दीक्षित पोलीस पाटील कोहमारा, प्रल्हाद कोरे, पुरुषोत्तम भिवगडे, पठाण साहेब, प्राचार्य उमा बाच्छल, गुलाबचंद चिखलोंडे, मुख्याध्यापक मनोज शिंदे, पर्यवेक्षक डी.एस. टेंभुर्णे, प्राध्यापक आर.एन. अग्रवाल यांच्या प्रमुख उपस्थितीत पार पडला.
कार्यक्रमाचे अध्यक्ष महोदय तसेच प्रमुख अतिथिंच्या शुभहस्ते लोहिया शिक्षण संस्था व कर्मचाऱ्यांच्या वतीने शाल, श्रीफळ व भेटवस्तू देऊन त्यांचा सत्कार करण्यात आला. कार्यक्रमाचे अध्यक्ष, प्रमुख अतिथी व शिक्षकांनी सेवानिवृत्त एन.जी. रामटेके यांच्या स्वभावगुण, कामांचे योग्य नियोजन, शाळेप्रती आस्था, योग्य कार्यपद्धती ई.गुणांची प्रसंशा केली.
कार्यक्रमाला लोहिया शिक्षण संस्थेच्या सर्व कार्यकारिणीचे पदाधिकारी व सदस्य गण, निमंत्रित पाहुणे, पालक, गावकरी, शिक्षक – शिक्षकेत्तर कर्मचारी मोठ्या संख्येने उपस्थित होते. कार्यक्रमाचे संचालन कू.यू.बी. डोये, स. शि. यांनी केले तर आभार प्रा. जी. एस. कावळे यांनी मानले.
