- दादा हा ‘विश्वासघात’ जनतेला ‘पटेल’च असं नाही !
- पाठीत खंजीर खुपसणाऱ्या अजितदादा पवार व प्रफुल्लभाई पटेल यांना थेट पत्र !
गोंदिया, दि. 23 ऑक्टोंबर : दादा हा ‘विश्वासघात’ जनतेला ‘पटेल’च असं नाही. आमदार मनोहर चंद्रिकापुरे यांचे फेसबुक वरून अजित पवारांना भावनिक पत्र, राज्यात नुकत्याच होऊन घातलेल्या विधानसभा निवडनुकीच्या पार्श्भूमीवर जागा वाटपाचा कार्यक्रम सुरू असताना अर्जुनी मोरगाव विधानसभा क्षेत्रातील विधमान आमदार मनोहर चंद्रिकापुरे यांना राष्ट्रवादी पक्षातून उमेदवारी न देता भाजप पक्षाचे नेते आणि माजी मंत्री राजकुमार बडोले यांचा पक्षात प्रवेश करून त्यांना उमेदवारी देण्यात आली त्या मुळे विधमान आमदार मनोहर चंद्रिकापुरे यांनी आपल्या पक्षातील बड्या नेत्यांवर नाराजी वेक्त करीत फेसबुक पेजवर एक पोस्ट केली आहे.
काय लीहीले आहे त्या पत्रात पाहू या पुढे – मी राष्ट्रवादी काँग्रेस पार्टीचा निष्ठावंत व एकनिष्ठ कार्यकर्ता बोलतोय, आज माझं तिकीट कापण्यात आल्याचं समजलं, मुंबईत येऊनही रिकाम्या हाताने परत यावं लागलं, याचं मनापासून दुःख झालंय. दादा, जेव्हा महायुतीत जाण्याचा निर्णय तुम्ही घेतला तेव्हा इच्छा नसतानाही आपल्यावर श्रद्धा आणि विश्वास ठेऊन मी आणि माझा मतदारसंघ तुमच्यासोबत राहिला. आम्ही तुमच्यावर विश्वास ठेवला, पण तुम्ही माझा विश्वासघात केला. केवळ, माझाच नाही तर माझ्यासह माझ्या अर्जुनी मोरगाव मतदारसंघातील लाखो नागरिकांचा हा विश्वासघात आहे. मीच राष्ट्रवादीचा उमेदवार असेन, असं सांगत मी मतदारसंघातील गावं न गावं पिंजून काढली, येथील जनतेला भेटून आपली भूमिका कशी बरोबर आहे, हे समजावलं. पण, ऐनवेळी माझ्याच पाठीत खंजीर खुपसला.
दादा, पाठीत खंजीर खुपसल्याचे वाईट वाटते हो, पण ज्या हातात खंजीर आहे, तो हात आपलाच असल्यावर जास्त वाईट वाटते. दोन दिवसांपूर्वी भाजपचा नेता प्रफुल भाई पटेल यांना भेटला आणि त्यांना पटलं. हे सहजच पटेल असं नक्कीच वाटत नाही, यात मोठी डील झालीय अशीच चर्चा आता मतदारसंघात, जनतेत सुरू आहे.
कालपर्यंत मी भाजपचा निष्ठावंत, कट्टर म्हणणार नेता आज सुमडीत आपल्या पक्षात आला. दादा, नेतेमंडळी पक्ष बदलायला मोकळी असते, पण सतरंज्या उचलणारा कार्यकर्ता एकनिष्ठतेची अग्निपरीक्षा देत असतो. म्हणूनच, आमच्या इथल्या नेत्याची सरड्यासारखी बदललेली भूमिका पाहून वाईट वाटलं. मला आणि माझ्या मतदारसंघातील जनतेलासुद्धा.
उद्याच आजसुद्धा मला माहिती नाही, पण मतदार संघातील जनता हे विसरणार नाही, हा विश्वासघात कीपणा लक्षात ठेवेल, तुम्हाला कदाचित हे पटलं असेल, पण माझ्या लोकांना हे अजिबात ‘पटेल’ असं नाही. त्यामुळेच याच निवडणुकीत याचा हिशोब होणार आणि जनताच सुफडासाफ करणार. कारण, आता मी जनतेमध्ये जाऊनच दाद मागणार आहे, आता जनतेलाच विधानसभेचं तिकीट मागणार आहे. अर्जुनी मोरगाव मतदारसंघाचा, स्वाभिमानी जनसेवक मनोहर चंद्रीकापुरे असे मजकूर लिहत हा पत्र फेसबुक पेजवर पोस्ट केला आहे. यावरून असे लक्ष्यात येते की आमदार मनोहर चंद्रिकापुरे हे अपक्ष निवडणूक लढण्याच्या तयारीत आहेत !
