- बैल पोळा “सृंगार स्पर्धेत” दुर्योधन येरणे यांच्या बैल जोडीला प्रथम पारितोषिक
सडक अर्जुनी, दि. 05 सप्टेंबर : बैलपोळा हा केवळ शेतकऱ्यांचाच नाही तर सर्वसामान्यांचा सण आहे. शेतकरी आणि शेती यामुळे सर्वसामान्य जनतेच्या ताटात अन्न पुरवठा होतो. त्यामुळे शेतकऱ्यांच्या संबंधी असलेले प्रत्येक उत्सव हे केवळ शेतकऱ्यांचे सण नसून संपूर्ण नागरिकांचा सण आहे. शेतकरी मला नेहमी प्रेरणा देतात आणि कितीही मोठे संकट आले तरी त्याचा सामना करण्याचे सामर्थ्य प्रदान करतात. ज्या परिस्थितीत शेतकरी शेती करतात त्या परिस्थितीत जीवन जगणे कठीण जरी असेल तरी त्या संकटांवर मात करत सामोरे जात जीवन जगत असतात. हेच संघर्ष माझ्यासाठी प्रेरणादायी आहे. असे प्रतिपादन सौंदड ग्राम पंचायत चे सरपंच हर्ष मोदी यांनी व्यक्त केले.
ग्राम पंचायत सौंदड अंतर्गत आयोजित बैलपोळा उत्सव निमित्ताने स्पर्धेत त्यांनी मार्गदर्शन केले. या स्पर्धेत १०० पेक्षा जास्त बैलजोड्यानी सहभाग नोंदवून कार्यक्रमास उपस्थिती दर्शविली. या स्पर्धेत दुर्योधन येरणे यांनी प्रथम पारितोषिक ५१०० रुपये तर द्वितीय यशवंत विठ्ठले ३१०० रुपये, सावल इरले २१०० रुपये व इतर सर्व सहभागी जोड्यांना प्रोत्साहन पर पुरस्कार देण्यात आले.
या कार्यक्रमात सरपंच हर्ष मोदी, उप सरपंच कुंदा साखरे, प्रमिला निर्वाण, विजय चोपकर, शुषमा राऊत, खुशाल ब्राह्मणकर, भाऊराव यावलकर, रंजना भोई, अर्चना चन्ने, माजी तंटा मुक्ती अध्यक्ष चरणदास शहारे, व्यापारी समिती अध्यक्ष संदीप मोदी, तंटामुक्ती अध्यक्ष समिता सावल इरलें, तंटा मुक्ती समिती उपाध्यक्ष वसंता विठ्ठले, सीमा निंबेकर पोलीस पाटील, पुरुषोत्तम निंबेकर, शंकर पटाचे अध्यक्ष ग्यानिराम किरनापुरे, बाजार समिती चे अध्यक्ष धनराज डोंगरवार, सदु भाऊ विठले, अशोक लंजे व मोठ्या संख्येने शेतकरी व ग्रामस्थ उपस्थित होते. कार्यक्रमाला यशस्वी करण्याकरिता ग्राम पंचायत कर्मचारी यांनी मोठा सहयोग केला असून सरपंच मोदी यांनी त्यांचे आभार मानले.
