गोंदिया, दि. 05 ऑगस्ट : आगामी विधानसभा निवडणुका पाहता भारतीय जनता पार्टी गोंदिया च्या वतीने सडक अर्जुनी तालुक्यात दि. 04 ऑगस्ट रोजी जिल्हा अधिवेशन आयोजित करण्यात आले होते. भाजप कार्यकर्त्यांना आणि नेत्यांना मार्गदर्शन करण्यासाठी भाजप प्रदेश अध्यक्ष चंद्रशेखर बावनकुळे हे येणार होते.
मात्र नागपूर ग्रामीण भागात एक आंदोलन सूरु असून बावनकुळे हे त्या ठिकाणी गेल्याने गोंदियात आयोजित जिल्हा अधिवेशनाला ते येऊ शकले नाही, त्यामुळे कार्यकर्त्यांना दवऱ्याची माहिती होताच कार्यकर्ते देखील नाराज होऊन उठून निघून गेले. 2 वाजता होणारे कार्यक्रम तब्बल 6 वाजता पर्यंत सुरू होते, मात्र बावनकुळे साहेब आले नाही, नुकतेच विधान परिषद सदस्य म्हणून निवडून आलेले डॉ. परिणय फुके यांनी कार्यकर्त्यांना आणि माध्यमाना भाजपा प्रदेश अध्यक्ष चंद्रशेखर बावनकुळे हे येऊ शकणार नाही अशी माहिती फुके यांनी दिली.
सडक अर्जुनी विधानसभा क्षेत्रात राष्ट्रवादी कॉग्रेस पक्ष अजित पवार गटाचे आमदार मनोहर चंद्रिकापुरे हे असल्याने मागील आठवड्यात राष्ट्रवादी चे नेते खा. प्रफुल पटेल यांनी सडक अर्जुनी तालुक्यात आपलाच आमदार निवडून येईल अश सूचक वक्तव्य खा. प्रफुल पटेल यांनी केले होते. त्यामुळे तर नाही ना, आजच्या अधिवेशनात भाजप प्रदेश अध्यक्ष बावनकुळे यांनी पाठ फिरविली, असा प्रशन या निमित्ताने उपस्थित केला जातं आहे. जागा वाटपाचा कार्यक्रम अजून सुरू झाला नसला तरी प्रत्येक पक्ष आपल्या पक्षाची दावेदारी करीत आहेत. त्या मुळे येत्या काळात काय चित्र राहतील ते पाहण्यासारखे असेल.
