गोंदिया, दि. 30 जुलै : गोंदिया पोलिसांना गोपनिय बातमीदाराकडून खात्रीशिर माहिती मिळाली की, दोन वेक्ती हे ओडिसा येथून रायपुर मार्गे रेल्वेने गांजाची खेप घेवून गोंदिया मरारटोली, भागात येणार आहेत, खात्रीलायक माहितीच्या आधारे पोलीस ठाणे रामनगर हद्दीत मरारटोली बसस्थानक समोरील गोंदिया ते बालाघाट जाणाऱ्या मार्गावर सापळा रचून कारवाई दि. 29 जुलै रोजी करण्यात आली आहे.
अवैधरित्या गांजा ची खेप घेवून येणाऱ्या दोघांना मो. सा. सह दुपारी 3.30 वाजता दरम्यान रंगेहाथ पकडण्यात आले ताब्यातील निळ्या रंगाच्या ट्रॉली व स्कुल बॅगमध्ये सेलोटेप ने गुडाळलेले (वेस्टन असलेले) 12 नग बंडल मिळुन आलेत, वेस्टन असलेल्या बंडलची पंचासमक्ष खोलून पाहणी केली असता, त्यात हिरवा ओलसर पाने, फुले आणि बिया मिश्रीत एकूण वजनी 12 किलो 160 ग्रॅम, उग्र वास येत असलेला गांजा ची किंमती एकूण 2,69,500 (दोन लक्ष एकोंसत्तर हजार पाचशे रूपयाचा मुद्देमाल) मिळून आल्याने जप्त करण्यात आली आहे.
यातील आरोपी नामे 1) दिनेश विजयकांत मिश्रा, वय 38 वर्षे, रा. काका चौक, सिव्हिल लाइन्स गोंदिया, 2) सोमेश्वर जोशीराम न्यायकरे वय 36 वर्षे राह. गिरोला, पांढराबोडी तां. जि. गोंदिया असे असून यांचे विरूध्द अंमलदार पो. हवा. राजेंद्र मिश्रा, स्थानिक गुन्हे शाखा, गोंदिया यांचे फिर्याद वरून पोलीस ठाणे रामनगर येथे एन.डी.पी.एस. कायदा कलम 8 (क), 20, 29 अंन्वये गुन्हा दाखल करण्यात आला आहे, दोन्ही आरोपीतांना जप्त मुद्देमालासह रामनगर पोलीसांचे ताब्यात देण्यात आले आहे, पुढील कायदेशीर कारवाई रामनगर पोलीस करीत आहेत.
सदरची दर्जेदार धाड कारवाई स्थानिक गुन्हे शाखेचे पोलीस निरीक्षक दिनेश लबडे, पो.नि. प्रविण बोरकुटे पो. ठाणे रामनगर यांचे मार्गदर्शनात मपोउपनि-वनिता सायकर पोलीस अंमलदार पो.हवा. राजू मिश्रा, महेश मेहर, नेवालाल भेलावे, चित्तरंजन कोडापे, भूवनलाल देशमुख, सुजित हलमारे, प्रकाश गायधने, दुर्गेश तिवारी, संतोष केदार, चापोशि घनश्याम कुंभलवार, मपोशि कुमुद येरणे, यांनी कारवाई केलेली आहे.
