- क्षेत्रातील शेकडो लोकांनी घेतला चिकित्सा शिबिराचा लाभ…
देवरी, दी. 28 ऑक्टोबर : देवरी तालुक्यातील छत्तीसगड सीमेला लागून असलेले ककोडी क्षेत्र आदिवासी बहुल तसेच नक्षलग्रस्त असून येथे शनिवारला देवरी आमगाव विधानसभा क्षेत्राचे आमदार सहसराम कोरोटे यांच्या प्रयत्नातून भव्य निशुल्क चिकित्सा शिबिर चे आयोजन करण्यात आले होते. या शिबिराचे आयोजन नागपूर येथील विशेषतज्ञ डॉक्टर आणि गोंदिया येथील केटीएस रुग्णालय येथील तज्ञ डॉक्टर यांच्या मदतीने आयोजित करण्यात आला होता. या शिबिराचा ककोडी क्षेत्रातील शेकडो नागरिकांनी लाभ घेतला.
या शिबिरात निशुल्क डोळे, मधुमेह, हृदयविकार यांची तपासणी करण्यात आली. तसेच मोतीयाबिंदू ऑपरेशन आणि मोफत चष्मे यांचे वितरण करण्यात आले. या शिबिराचे उद्घाटन आमदार सहसराम कोरोटे यांच्या हस्ते पार पडले. यावेळी जि. प. सदस्य उषाताई शहारे, माधुरी कुंभरे, भारतीताई सलामे पं. स. सदस्य देवरी, रणजीत कायम, प्रल्हाद सलामे, मीनाबाई राऊत, उत्तम मडकाम, ब्रिजलाल सोनवणे, बबलू भाटिया, नरेंद्र शांडील, कमलेश नंदेश्वर, बळीराम कोटवार, इत्यादी प्रमुख व्यक्ती उपस्थित होते. कार्यक्रमाचे सूत्रसंचालन रणजीत कासम यांनी करून आभार प्रदर्शन ककोडी येथील ग्रामपंचायत चे सरपंच मीनाबाई राऊत यांनी केले.
समाजाच्या शेवटच्या वंचित घटकापर्यंत तसेच गरजू लोकांना आरोग्य सेवा उपलब्ध करणे हेच आमचे उद्देश्य आहे असे प्रतिपादन आमगाव देवरी विधानसभा क्षेत्राचे आमदार सहसराम कोरोटे यांनी मंचावरून केले ते 28 ऑक्टोबर रोजी आयोजित कार्यक्रमात मंचावरून बोलत होते. ते पुढे म्हणाले रस्ते, पुल, शुध्द जल यासारख्या भौतिक सुविधा सोबत समाजातील वंचित घटक तसेच गरजूवंत लोकांसाठी निशुल्क आरोग्य सेवा देण्याचे कार्य मागील दोन महिन्यापासून विधानसभा क्षेत्रातील वेगवेगळ्या गावी शिबिराचे आयोजन करून नेत्र, हृदय, मधुमेह यासारख्या रोगांची निशुल्क तपासणी करीत आहो. मोतिया बिंदू सारख्या डोळ्यांच्या आजारावर निशुल्क ऑपरेशन आणि चष्मा वितरित केला जाईल. आणि समोर अनेक गावांमध्ये निशुल्क शिबिराचे आयोजन करण्यात येतील.
