गोंदिया, दि. 31 ऑगस्ट : शेत जमीनीची रजिस्ट्री करुण देण्याकरिता 8 हजार रुपये ची लाच मागणारा लाचखोर! दुय्यम निबंधक एसीबी च्या जाळ्यात अडकला आहे. तक्रारदार पुरूष, वय 42 वर्ष, रा. सोनारटोला/गिरोला ता. सालेकसा असे आहे.
तर आरोपी लोकसेवक मधुकर लोकनाथ मेश्राम वय 50 वर्ष रा. गोंदिया, प्रभारी दुय्यम निबंधक , सालेकसा श्रेणी 1 ( मुळपद व नेमणूक कनिष्ठ लिपीक वर्ग 3, दुय्यम निबंधक कार्यालय आमगाव ) असे लाचखोर लोकसेवकाचे नाव आहे.
तक्रारदार हे शेतकरी असून त्यांनी खरेदी केलेली शेती मौजा धानोली येथील 16 आर शेत जमिनीची “क” प्रत जूनी आहे. तसेच जमिनीची रजिस्ट्री होणार नाही. असे सांगून सदर शेत जमीनीची रजिस्ट्री करुण देण्याकरिता 8 हजार रुपये लाचेची मागणी केली.
लाच मागणी पड़ताळनी ( 28 जुलै 2023 रोजी ) दरम्यान आरोपी यांनी तक्रारदार यांच्या जमिनीची रजिस्ट्री करुन दिल्यानंतर त्या मोबदल्यात 8 हजार रुपये रकमेची पंचासमक्ष मागणी करून लाच रक्कम प्राप्त करण्याचा प्रयत्न केला आहे.
आरोपी लोकसेवक यांनी आपल्या पदाचा दुरूपयोग करून स्वता:च्या लाभाकरीता गैर वाजवी फायदा मिळविण्याचा प्रयत्न केला. आरोपीस ताब्यात घेण्यात आले असून त्याचे विरुद्ध पोलीस स्टेशन – सालेकसा जिल्हा गोंदिया येथे गुन्हा नोंद करण्यात आले आहे.
सदर कारवाई विलास काळे पो. उप. अधीक्षक गोंदिया, यांच्या मार्गदर्शनात पो. नि. अतुल तवाड़े स. फौ. विजय खोब्रागडे, चंद्रकांत करपे, पो. हवा. संजयकुमार बोहरे, मंगेश काहालकर नापोशि, संतोष शेंडे नापोशि, संतोष बोपचे, अशोक कापसे, नापोशि प्रशांत सोनवाने, कैलाश काटकर, मनापोशी संगीता पटले, रोहिणी डांगे, वाहन चालक नापोशि दिपक बाटबर्वे यांच्या पथकाने केली आहे.
