सौन्दड, सडक अर्जुनी, गोंदिया, ( भामा चुर्हे ) दिनांक : ०१ : तालुक्यातील ग्राम कनेरी/मनेरी येथील शेतकरी गिरीधारी सखाराम भेंडारकर वय ६० वर्ष यांनी आज दुपारी १२.३० वाजे दरम्यान राहत्या घरी कुणीच नसतांनी गळफास लावून आत्महत्या केली. कर्जापायी व रब्बी हंगामातील धान विक्री न झाल्याने गळफास लावून आत्महत्या केल्याचे समजते.
मृत्यू पश्चात पत्नी चंद्रभागा, एक मुलगा व तीन लग्न झालेल्या मुली आहेत. मुलगा आपल्या पत्नीसोबत पुण्याला कंपनीत कामाला आहे. आज ११ वाजे दरम्यान त्यांची पत्नी घराचे बाजुला असलेल्या शेतात निंदन करायला गेली होती. आणि नातु शेतात खत मारायला गेला होता. नातू विशाल माधो तरोणे खत मारुन घरी परत आला असता तर यांचे आजोबा घरी गळफास लागल्याचे दिसले.
त्याने घराजवळील लोकांना बोलावून घटनेची माहिती दिली . या घटनेची माहिती मिळताच पोलिस स्टेशन डुग्गीपारचे बीट जमादार गावड घटनास्थळी दाखल झाले. व घटनेचा पंचनामा करून मृतदेह शवविच्छेदनासाठी पाठविण्यात आले आहे. अधिक तपास चालू आहे.
